ຫໍໄຕປີຕົກ ໜອງລຳຈັນ ເມືອງຈຳພອນ ສູນລວມຄວາມຮູ້ ແລະ ຄຳພີທາງພຸດທະສາສະໜາ

ຫໍໄຕປີດົກ ວັດໜອງລຳຈັນ ເມືອງຈຳພອນ ແຂວງສະຫວັນນະເຂດ ການເຂົ້າເຖິງສະດວກສະບາຍ ຫ່າງຈາກເທດສະບານເມືອງ 28 ກິໂລແມັດ.

ຫໍໄຕປີດົກດັ່ງກ່າວຖືກສ້າງຂຶ້ນໃນສັດຕະວັນທີ 17 ຕໍ່ມາຍາທ່ານ ຫຼັກຄຳພາ ເປັນຜູ້ນຳພາສ້າງ ແລະ ປະຕິສັງຂອນຄືນໃຫຍ່ໃນສັດຕະວັນທີ 19, ແຕ່ນັ້ນມາໄດ້ມີພໍ່ຂຽວ, ຍາທ່ານພູຈວງ, ຍາທ່ານພົມມາ ເປັນຜູ້ຮັກສາ ສືບຕໍ່ກັນມາຕາມລຳດັບ.

ໃນປີ 1990-2001 ໄດ້ມີໂຄງການຮັກສາໜັງສືຜູກໃບລານໂດຍກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທີ່ໄດ້ຮັບການສະໜັບສະໜູນທິນໃນການຮັກສາ ແລະ ປົວແປງ ຈາກມູນນິທິໂຕໂຍຕ້າປະເທດຍີ່ປຸ່ນ, ລັດຖະບານສະຫະພັນເຢຍລະມັນ ຮ່ວມກັນພະແນກຖະແຫຼງຂ່າວ ແລະ ວັດທະນະທຳແຂວງ ແລະ ຫ້ອງການເມືອງຈຳພອນ ໄດ້ລົງສຳຫຼວດ ພ້ອມຂຶ້ນບັນຊີຕົວຈິງ, ແຍກ ແລະ ຈັດລຳດັບໄດ້ດັ່ງນີ້: ໜັງສືຜູກໃບລານທັງໝົດມີ 219 ເລື່ອງ, 326 ມັດ, 2,391 ຜູ.